Қазақстандық боксшылар мен бапкерлерге ақшалай сыйақы берілді

Бас бапкер Мырзағали Айтжановқа 4 миллион теңге, ал боксшыларға 1-2 миллион теңгеден табысталды.

Қазақстан бокс федерациясының президенті Шахмұрат Мүтәліп биыл Астанада өткен U22 Азия чемпионатындағы көрсеткен жоғары нәтижесі үшін спортшылар мен бапкерлерді ақшалай марапаттады.

Бас бапкер Мырзағали Айтжановқа 4 миллион теңге, ал боксшыларға 1-2 миллион теңгеден табысталды.

Айта кетейік, Астанада бокстан 22 жасқа дейінгі спортшылар арасындағы Азия чемпионатында Қазақстан командалық есепте 1-орын алды. Құрлық біріншілігінде 25 салмақ бойынша (13 ер, 12 әйел) жеңімпаздар анықталды. Еліміздің боксшылары 24 медаль еншіледі. Ерлер командасында 13 медаль бұйырды (8 алтын және 5 күміс).

Азия чемпионы атанғандар:

51 кг: Кенже Мұратұлы;

54 кг: Нұрсұлтан Алтынбек;

67 кг: Елнұр Сүйінбай;

71 кг: Сабыржан Аққалықов;

 75 кг: Диас Молжігітов;

80 кг: Ерасыл Жакпеков;

86 кг: Темірлан Мұқатаев;

92 кг: Бекнұр Батырбек.