«Ұлым ана жақта отырса да, бала-шағам қиналып қалмасын деп уайымдайды» – Гүлзира Айдарбекова

"Бірі Барселонаға, бірі Кореяға, бірі Америкаға бәрінің арманын орындап, түгел білгендей төлемдерін жасап кетсе де, уайымдайды"

Қайрат Нұртастың анасы әрі продюсері Гүлзира Айдарбекова 15 тәулікке қамалған әншінің бостандыққа шығуына бір күн қалғанда әсерлі жазба жариялады.

«Сезім мен Алау қыздарым, папаларын уайымдап, апа біз папамызды қатты-қатты жақсы көреміз деп хабарласып әлек. Алла бұйыртса әні-міні деп, сағат санап отырмыз. Бала-шағасына не десе де, жоқ деп айтып көрген кезі болмаған шығар, қашанда армандарын орындау бар мақсаты. Кім қай жақты қалады бірі Барселонаға, бірі Кореяға, бірі Америкаға бәрінің арманын орындап, түгел білгендей төлемдерін жасап кетсе де, ана жақта отырса да, не сұраса да салып отырсыншы деп бала-шағам қиналып қалмасын деп адвокаты арқылы жеткізіп, уайыдаумен отырды. Бір жаққа барамын не аламын десе, менде солай жоқ деп айта алмаушы едім бала-шағама, Алла сол пейіліне беріп жатқан шығар деп қоямын кейде. Жүрегімізден мейірім кетпесін», –  деп жазды ол әлеуметтік желіде.

Продюсер ұлы секілді өзі де уайымшыл екенін айтады.

«Қайрат маған кейде, түнімен ұйықтамай уайымдап отырған мені көріп, анашым мені қатты жақсы көрмеңізші дейтін. Қашанда түзде жүрген соң уайымсыз күнім болмайды ғой. Бірақ та жүрегіңе Алланы салып, сол Аллаға амандығын тапсыруымыз керек екенін біліп тұрып, қатты жақсы көретінімізді байқамай қаламыз. Ана баласын қатты жақсы көрсе сол баласымен сынайды, ал ұл-қыздарың өмірлік жарын қатты жақсы көрсе, сүйіктісімен сынайды деген. Қандай сынақ берсе де жеңілдігімен берсін деп тілейік! Алла бұйыртса құлынымның құлыншақтары шексіз қуанатын күндері көп болсын!», – деп жазды Гүлзира Айдарбекова.