Бразилиялық суретші Британ мұражайынан тарихи жәдігерді ұрлап, қайырымдылық жәшігіне салып кеткен

Сартузи бұл ұрлықты видеоға түсіріп, Лондон университетінің Голдсмитс магистрлік диссертациялар көрмесіне арнап «Сиқырлы қолдар» атты 7 минуттық бейнеролик жасаған.

Бразилиялық суретші Британ мұражайынан тарихи жәдігерді ұрлап кеткен. Өткен айда бразилиялық суретші Иле Сартузи Лондондағы Британ музейінен тарихи күміс монетаны ұрлап, оның орнына көшірмесін қойып, түпнұсқасын музейдің қайырымдылық жәшігіне тастап кеткен.

The Art Newspaper басылымының хабарлауынша, Сартузи бұл ұрлықты видеоға түсіріп, Лондон университетінің Голдсмитс магистрлік диссертациялар көрмесіне арнап «Сиқырлы қолдар» атты 7 минуттық бейнеролик жасаған.

XVII ғасырдағы монетаны ұрлауды жоспарлауға бір жылдан астам уақыт кетіпті. Сартузи 17 маусымда монетаны ұрламақ болғанда, оны ерікті гид ұстап алған, бірақ келесі күні ол өз ойын сәтті іске асырған. The Art Newspaper басылымына берген сұхбатында Сартузи бұл жобаның «әмбебап музейлердің мәселесін» көрсететінін айтты және Британ музейінің «отаршылдық, империалистік жүйенің негізін құрайтын бөліктерінің бірі» екенін айтып өтті.

Өткен жылы 2 000-ға жуық экспонаты жоғалғаннан кейін Британ музейі ұрлық мәселелерімен күресіп жатқаны белгілі, сондықтан бұл оқиға оларды мүлде басқа көзқарас ұстануға мәжбүр етті.

«Бұл жөнсіз әрекет еріктілер қызметін теріс пайдалануды білдіреді, ол келушілерге нағыз заттарды ұстап, тарихқа қол тигізуге мүмкіндік береді», — деді Британ музейінің өкілі. «Мұндай қызметтер адамның қарапайым адалдығы мен сеніміне негізделген, және мұндай әрекеттерге байланысты бұл қызметтерді қайта қарастыру өкінішті болар еді».