Алматы облысында суға батып кеткен баланы құтқарған жігіт марапатталды

Полиция департаментінің бастығы Бауыржан Әленов бейбіт заманымыздың батырына алғыс хат пен естелік сыйлық табыстады.

Алматы облысында Үлкен Алматы каналына батып бара жатқан баланы құтқарған ер адам марапатталды.

Алматы облысы Полиция департаментінің бастығы Бауыржан Әленов бейбіт заманымыздың батырына алғыс хат пен естелік сыйлық табыстады.

«Керемет тәрбие беріп, осындай елжанды, намысшыл нағыз батырды өсірген ата-анасына ерекше атап өткім келеді. Себебі, бөтен біреудің өмірін құтқару үшін өз-өзіне қауіп төндіру — әркімнің қолынан келе бермейді. Бұл ең үлкен құрметке лайық», — деді Б. Әленов.

Осыған дейін Талғар ауданының әкімі Танат Айдарбеков ерлік жасаған Серікжан Ботанға алғыс хатпен, сыйлыққа соңғы нұсқасындағы Ipad-ты табыс еткен еді.  

Еске салайық, 10 шілде күні Алматы облысында 28 жастағы азамат суға батып бара жатқан баланы аман алып қалды.