Маңғыстау облысында ер адам әйелін пышақтап тастады

Әйелдің жағдайы әзірге белгісіз

Маңғыстау облысында ер адам жұрттың көзінше әйелін пышақтап тастады, деп жазады turkystan.kz massaget.kz-ке сілтеме жасап.

Әлеуметтік желіде оқиға орнынан жантүршігерлік видео пайда болды.

Кадрлардан дүкен алдында қанжоса болып жатқан әйелді көруге болады. Көпшілік айнала жиналған.

"Видео авторының айтуынша, ер адам "Рахат" супермаркетінің маңында әйелін пышақтап кеткен", - деп хабарлайды жергілікті Instagram 911.aktau.

Маңғыстау облысының полиция департаменті өкілдері ер адамның ұсталғанын хабарлады.

"Ер адам уақытша ұстау изоляторына қамалды. Кісі өлтіруге оқталу дерегі бойынша қылмыстық іс қозғалды. Тергеу мүддесі үшін өзге ақпарат жария етілмейді", - деп хабарлады өңірлік полиция департаменті қызметкерлері.

Әйелдің жағдайы әзірге белгісіз.