«Шекарадан өтпек болған»: Балалардың бетіне бұрыш баллонын шашқан жасөспірім ұсталды

Күдікті Қазақстан мен Ресей шекарасынан өтпек болған.

Ақтөбеде Қазақстан мен Ресей шекарасынан өтпек болғанда балаларға шабуыл жасады деген күдікпен жасөспірім ұсталды.

Оқиға 6 шілдеде болған. Әлеуметтік желіде тараған видеодан жасөспірімнің балалардың жанына келіп, бұрыш баллонын сепкенін көруге болады.

«Жедел іздестіру шараларының нәтижесінде Ақтөбе облысының полицейлері күдікті жасөспірімді ұстады», – делінген хабарламада.

Полиция мәліметінше жасөспірімді бұзақылық дерегі бойынша іздестірген.

Еске салсақ, бұған дейін балаларға бұрыш баллонын шашқан жасөспірім іздестіріліп жатқаны жайлы хабарлаған болатынбыз.