Статистика: Қазақстан халқының саны қаншаға жетті?

Тұрғыны ең көп қала - Алматы (2 253 502 адам).

2024 жылғы 1 маусымдағы жағдай бойынша, Қазақстан халқының саны 20 139 914 адамды құрады. Мұндай деректерді Ұлттық статистика бюросы жариялады.

Соңғы 5 айда халықтың жалпы өсімі 106 072 адамды құрады.

Соңғы мәлімет бойынша, қалаларда 12 552 583 адам (ал 1 қаңтарда 12 451 192 адам), ауылдарда 7 587 331 адам (7 582 650 адам) тұрады.

Осы жылдың 1 маусымындағы жағдай бойынша Қазақстанның «миллионер» өңірлері:

Алматы қаласы-2 253 502 адам, Түркістан облысы-2 149 210 адам,  Алматы облысы-1 543 588 адам, Астана қаласы-1 464 415 адам, Шымкент қаласы-1 236 901 адам, Жамбыл облысы-1 223 457 адам, Қарағанды облысы-1 134 935 адам.