Жаңалықтар

Атырау облысының шекарасы өзгертіледі

Анель Жарылғасын
gov.kz

Бұл туралы Премьер-министрдің қаулы жобасында айтылады.

Атырау облысының шекарасы өзгертілмек. Бұл туралы Премьер-министрдің қаулы жобасында айтылады.

«Атырау облысының шекарасы мен Каспий теңізіндегі Қазақстан Республикасының аумақтық суларының (теңізінің) сыртқы шегі арасындағы жалпы алаңы 3 954 015,300 гектар жерді Атырау облысы аумағына қосу жолымен Атырау облысының шекарасы өзгертілсін», - делінген «Ашық НҚА» порталында жарияланған құжатта.

Қаулы жобасы 15 шілдеге дейін талқыланады.

Түсіндірме жазбада облыстың шекарасын өзгерту мемлекеттік бюджеттен қосымша қаражатты талап етпейтіні және теріс әлеуметтік-экономикалық және (немесе) құқықтық салдарларға әкеп соқпайтыны нақтыланады.