ەلوردادا اۆتوبۋس جۇرگىزۋشىلەرىنە ۇيالى تەلەفون ۇستاۋعا تىيىم سالىنباق

ەلوردالىق قوعامدىق كولىك جۇرىزۋشىلەرىنە جۇمىس ۋاقىتىندا ۇيالى تەلەفون ۇستاۋعا تىيىم سالىنباق. بۇل تۋرالى بۇگىن قالالىق جولاۋشىلار كولىگى باسقارماسىنىڭ باسشىسى ب.يگەنبەردينوۆتىڭ توراعالىعىمەن وتكەن كەڭەستە ايتىلدى دەپ حابارلايدى sn.kz. 

جيىننىڭ نەگىزگى تاقىرىبى تاسىمالداۋشىلاردىڭ كەلىسىمشارت بويىنشا مىندەتتەمەلەرىن ءتيىستى دەڭگەيدە ورىنداماۋى، باعىتقا اۆتوبۋستاردىڭ جوسپارلى شىعۋىن، قوزعالىس ارالىقتارىنىڭ ساقتالۋىن قامتاماسىز ەتۋ، اۆتوبۋس جۇرگىزۋشىلەرىنىڭ جول ءجۇرۋ ەرەجەلەرىن ساقتاۋى جانە جولاۋشىلارعا قىزمەت كورسەتۋ دەڭگەيىن ارتتىرۋ بولدى.

كەڭەستە تاسىمالداۋشىلاردىڭ پروبلەمالىق ماسەلەلەرى دە قارالدى. كەڭەستىڭ قورىتىندىسى بويىنشا باسقارما كورسەتىلەتىن قىزمەتتەردىڭ ساپاسىن ارتتىرۋ ءۇشىن ءتيىستى شارالار قابىلداۋ بويىنشا مىندەتتەر قويدى.

سونداي-اق، ۇستىمىزدەگى جىلدىڭ 1 ساۋىرىنەن باستاپ اۆتوبۋس پاركتەرىنىڭ اكىمشىلىگىنە رەيس الدىنداعى تەكسەرۋ كەزىندە جۇرگىزۋشىلەردىڭ ۇيالى تەلەفوندارىن قالدىراتىن ارنايى ۇياشىقتار ۇيىمداستىرۋ ۇسىنىلدى.

سونداي-اق، كولىكتىك باقىلاۋ قىزمەتىنە تاسىمالداۋشىلاردىڭ باقىلاۋ-جەلىلىك قىزمەتىمەن بىرلەسىپ باعىتقا شىققان جۇرگىزۋشىلەردىڭ ۇيالى تەلەفوندى پايدالانۋى، تەمەكى تارتۋى جانە ججە ساقتاۋى بويىنشا مونيتورينگ جۇرگىزۋ تاپسىرىلدى.

ۇقساس جاڭالىقتار

Back to top button