«Қаңтар оқиғасына қатысы бар»: 3 өңірде ауыр қылмыс жасаған қылмыстық топ ұсталды

Алматы, Шымкент қалаларында және Түркістан облысында кәсіпкерлерді бопсалады деген күдікке ілінген қылмыстық топтың мүшелері ұсталды.

ІІМ Ұлттық қауіпсіздік комитетімен бірлесіп, Бас прокуратураның үйлестіруімен қылмыстық топтарды жою үшін арнайы операция ұйымдастырылды.

Биыл 17 маусымда Алматы, Шымкент қалаларында және Түркістан облысында ауыр қылмыстар жасаған, оның ішінде кәсіпкерлерді бопсалады деген күдікке ілінген қылмыстық топтың мүшелерін ұстау үшін жедел-іздестіру іс-шаралары жүргізілді.

«Топ мүшелерінің Қаңтар оқиғасының белсенді қатысушыларымен байланысы бары анықталды. Полицияға 20 күдікті жеткізілді. 40-тан аса іздестіру шаралары өткізілді. Атыс және травматикалық қару, есірткі мен оқ-дәрі тәркіленді. Тергеу Қылмыстық кодекстің бірнеше бабы бойынша жүргізіліп жатыр», - деп жазылған хабарламада.

Тергеу мүддесіне сәйкес, өзге ақпарат жарияланбайды.