Жаһан

Британия полициясы электр самокаттармен күресудің жолын тапты

Ербұлан Қайрат
сурет: lbc.co.uk

Әзірленіп жатқан құрылғы велосипедтер мен скутерлерді істен шығаратын электромагниттік импульсті іске қосады.

Британия полициясы электр самокаттармен күресудің жолын тапты, деп жазады The Guardian. 

Ұлыбританиядағы полиция қызметкерлері қылмыс кезінде пайдаланылған электронды велосипед, самокат сияқты көлік қозғалтқыштарын өшіру үшін электромагниттік сәуле түсіретін құрылғылармен қаруланатын болады. Бұл полиция қызметкері тоқтатқысы келетін көлікке электромагниттік импульс береді.

Елдің Ұлттық Полиция Бастықтары Кеңесінің (NPCC) төрағасы гэвин Стивенстің айтуынша, қару әзірленіп жатыр. 

Құрылғы Британдық Қорғаныс Министрлігі қадағалайтын Қорғаныс Ғылымдары Және Технологиялар Зертханасымен бірлесіп әзірленуде.