Көкшетауда көшеде тұрған контейнер өртеніп кетті

Қызыл жалын 12 шаршы метр аумақты шарпыған.

Көкшетау қаласындағы М.Ғабдуллин көшесінде жеке тұрған контейнер отқа оранды. Оқиға 9 мамыр сағат 17.29-де болған, деп хабарлады turkystan.kz.

Оқиға орнына Ақмола облысы ТЖД жеке құрамынан 7 құтқарушы және 1 техника жөнелтілген.

Өрт сағат 17.37-де оқшауланып, сағат 17.46-де толығымен сөндірілді. Құрбандар мен зардап шеккендер жоқ.