Бокстан Азия чемпионатының финалына кімдер шыққаны белгілі болды

Әйелдер арасында 22 жасқа дейінгілер арасында финалға шыққан спортшылар бойынша 1-орында 10 спортшысымен тағы да Қазақстан тұр

Астанада 22 жасқа дейінгі спортшылар арасында өтіп жатқан жастар арасындағы 2024 жылғы Азия чемпионатының финалистері анықталды, деп хабарлады turkystan.kz Sports.kz-ке сілтеме жасап.

Қазақстанның ерлер құрамасы бұл жас санатында жоғары нәтиже көрсетті. Құрлықтық біріншіліктің финалында Қазақстан атынан 13 спортшы өнер көрсетеді. Екінші орында 5 спортшысымен Өзбекстан тұр. Үшінші орынға 4 спортшысымен Үндістан табан тіресе, одан әрі бір боксшыдан ғана қалған Моңғолия, Тәжікстан, Ауғанстан және Қытай боксшылары тұр.

Әйелдер арасында 22 жасқа дейінгілер арасында финалға шыққан спортшылар бойынша 1-орында 10 спортшысымен тағы да Қазақстан тұр. Екінші орынға 8 спортшысымен Үндістан тұрақтады. Өзбекстаннан ақтық сында 5 қыз өнер көрсететін болса, Қытайда 1 ғана спортшы бар.