Экс-министр Ерлан Тұрғымбаев 2 айға қамауға алынды

3 мамыр, 2024 / Анель Жарылғасын
primeminister.kz
Бұл туралы Бас прокуратура мәлім етті.

Қазақстанның бұрынғы ішкі істер министрі Ерлан Тұрғымбаев 2 айға қамалды.

29 сәуірде ауыр зардаптарға әкеп соққан билік пен лауазымдық өкілеттіктерді асыра пайдаланғаны үшін (ҚК-нің 362-бабы 4-бөлігі) Қазақстан Республикасының Қылмыстық іс жүргізу кодексінің 128-бабы тәртібінде ішкі істер экс-министрі Ерлан Тұрғымбаев ұсталды. Қылмыстық істе мемлекеттік құпияларды құрайтын мәліметтердің болуына байланысты сотқа дейінгі тергеп-тексерудің басқа деректері жария етуге жатпайды.

Айта кетейік, Ерлан Тұрғымбаев ІІМ-ін 2019 жылдың ақпанынан бастап басқарып, 2022 жылы Қаңтар оқиғасынан кейін көп ұзамай қызметінен босатылған еді.

Тэгтер:

Экс-министр қамау Ерлан Тұрғымбаев