СҚО-да иіс тиіп уланған бес бала жансақтау бөлімінде жатыр
Бір отбасының 8 баласы аналарымен бірге уланған.
Солтүстік Қазақстан облысында көміртегі тотығымен уланып қалған бір отбасының 8 баласы аналарымен бірге Айыртау аудандық ауруханасында ем алып жатыр.
СҚО денсаулық сақтау басқармасының мәліметінше, бүгін ауруханаға түскен 8 баланың үшеуі балалар бөлімшесіне орналастырылды, жағдайлары орташа. Қалған бес бала қазір жансақтау бөлімшесінде жатыр, жағдайлары тұрақты, ауыр.
Есеріңізге салайық, бүгін Айыртау ауданы Антоновка ауылында бір үйдің 9 адамы иіс тиіп уланғандығы жөнінде 112 телефонына хабар түсіп, олардың бәрі жедел түрде аудандық ауруханаға жеткізілген еді.