Алаяқтар Оқу-ағарту министрінің атынан жалған хабарлама таратып жатыр

ҚР Оқу-ағарту министрінің баспасөз қызметі бұл хабарламаларға қатысты түсініктеме берді.

Алаяқтар Қазақстанның оқу-ағарту министрінің атынан хабарлама таратып жатыр, деп хабарлады turkystan.kz stopfake.kz сайтына сілтеме жасап.

«WhatsApp және Telegram қосымшаларында Оқу-ағарту министрі Ғани Бейсембаевтың атынан хабарламалар таратылуда. Шын мәнінде, бұл жалған аккаунттар, олармен байланыс орнатып, ұсынылған сілтемелер бойынша өтпеңіздер», - делінген хабарламада.

ҚР Оқу-ағарту министрінің баспасөз қызметі бұл хабарламаларға қатысты түсініктеме берді.

«Соңғы күндері WhatsApp, Telegram мессенджерлерінде оқу-ағарту министрінің атынан түрлі хабарламалар таратылуда. Бұл жалған ақпарат! Оны интернет-алаяқтар таратып отыр.

Өкінішке қарай, алаяқтық схемалар жетілдірілуде және онымен әр адам бетпе-бет келуі мүмкін. Сондықтан сақтық танытып, жеке хат жазысу мен телефон қоңырауларын қабылдауда қауіпсіздік шараларын сақтауды өтінеміз.

Жалған ақпаратқа сенбеуге, қаражат аудармауға және күмәнді сілтемелерге өтпеуге шақырамыз», – деп хабарлайды ҚР Оқу-ағарту министрлігінің баспасөз қызметі.