Шымкентте өңеші бітеу туылған сәбиге күрделі ота жасалды
Нәресте ішкі ағзасының ақауынан тіпті ана сүтін еме алмаған.
Шымкент қалалық перинаталдық орталығында МӘМС есебінен өңеші бітеу туылған сәбиге күрделі ота жасалды, деп хабарлады turkystan.kz порталы otyrar.kz сайтына сілтеме жасап
Білікті дәрігерлер құрамы өміріне қауіп төнген шақалаққа шұғыл түрде неонаталдық хирургиялық көмек көрсету шешімін қабылдайды. Нәтижесінде ота сәтті өтіп, бала анасымен жалпы палатаға ауыстырылған. Алдағы уақытта нәресте дәрігерлердің бақылауында болады.
Жаңа туылған нәрестелерге реанимациялық және қарқынды терапия қызметін көрсететін бөлімшеде неонаталдық хирург, анестезиолог-реаниматолог және неонатолог-реаниматолог дәрігерлері жұмылдырылған. Перзентханада сондай-ақ асқазан-ішек жолдарына ота жасалған балаларға күтім жасауға да ерекше көңіл бөлінген. Жыл басынан бері мұнда міндетті әлеуметтік медициналық сақтандыру шеңберінде неонаталды хирургиялық көмек 21 балаға көрсетілген.