«Сенен раушанның иісі аңқиды»: Нүкенова қаза болған күні мейрамханаға келген әйелден жауап алынды
Куәгер 9 қараша күні “BAU” мейрамханасына экс-министрдің шақыруымен келген.
Салтанат Нүкенованы өлтірді деп айыпталған бұрынғы Ұлттық экономика министрі Қуандық Бишімбаевтың сотында Гүлнар Насырбековадан жауап алынды, деп хабарлады turkystan.kz порталы stan.kz сайтына сілтеме жасап.
Гүлнар Насырбекованың сөзінше, мейрамханаға келген соң Бишімбаев екеуі VIP-кабинкаға жайғасып, әңгімелескен.
Наcырбекованың айтуынша, сол уақытта Бишімбаев үш рет сыртқа шығып келген.
Сондай-ақ ол "айтпақшы, сенен раушан гүлінің иісі шығады" деген хабарламаны Бишімбаевқа арнамағанын жеткізді.
Прокурор Айжан Аймағанова хабарламаның келешек емес, өткен шақта жазылғанын, осылайша куәгердің берген жауабына күмән келтіретінін айтты.
Куәгер Бишімбаевтың шампан әкеліп оны құйып бергенін және бокалға "жай ғана ернін тигізгенін” айтты.
Айта кетейік, бұған дейін, сотта Бишімбаевтың телефоны тексеріліп, оған Гүлнар Насырбековадан келген "сенен раушанның иісі шығады” деген хабарлама оқылған еді.