«Отау» ипотекалық бағдарламасының шарттары өзгерді
Бағдарламаның жаңа шарты бойынша енді оларға қайта өтініш беруге болады
Енді атында тұруға арналмаған жылжымайтын мүлік немесе ортақ жекешелендірілген тұрғын үйдегі үлес болып, бағдарлама бас тартқан қазақстандықтар өтінімді қайта бере алады, деп хабарлады turkystan.kz nege.kz-ке сілтеме жасап.
Осы уақытқа дейін бағдарламаға қатысушылардың атында 5 жыл ішінде мүліктің болмауын арнайы мемлекеттік жүйенің көмегімен автоматты түрде тексерілді. Сол себепті атында қандай да бір мүлкі барларға теріс жауап келіп жүрді. Ал шындығында олардың көпшілігінің атында үй емес, ауыл шаруашылығын жүргізуге арналған тұрақ, қойма, жер учаскесі немесе жалпы жекешелендірілген тұрғын үйдегі үлесі болған.
Бағдарламаның жаңа шарты бойынша енді оларға қайта өтініш беруге болады.
Банк «Отау» бағдарламасы бойынша өтінімдердің жұмыс күндері сағат 9:00-ден 21:00-ге дейін қабылданатынын жеткізді.
Өтінімдерді қабылдау аяқталғаннан кейін банк тізімді саралайды. Шешім банк порталында жарияланады. Содан кейін бағдарламаға қатысушының несиелік өтінім беру үшін шамамен 40 жұмыс күні болады. Егер ол несие бойынша оң мақұлдау алса, онда ол өзіне баспана табуға тағы 6 ай уақыт алады.
Тұрғын үйді Алматыда, Астанада, Шымкентте және облыс орталықтарында ҚМК кепілдігімен үлестік қатысу шарты бойынша не сақтандыру құралын пайдалана отырып сатып алуға болады. Бағдарламаға қатысушы аяқталмаған тұрғын үйді «Баспана маркеттен» таңдай алады.
«Отау» бағдарламасының несиелік шарттары:
– 20 пайыздан бастап-бастапқы жарна;
– 9 пайыз (ЖЭС 9,2 пайыздан 11,8 пайызға дейін) несие бойынша мөлшерлеме;
– несие мерзімі – 19 жылға дейін.