Елімізде 12 автожолда көлік қозғалысына шектеу қойылды
«ҚазАвтоЖол» ҰК баспасөз хатшысы Сәкен Ділдахмет еліміздегі су тасқыны салдарынан халықаралық және республикалық автожолдарда орын алған жағдайлар жайында баяндама жасады.
Халықаралық және республикалық маңызы бар автомобиль жолдарында ауа райының жылынуы мен қардың тез еруі салдарынан Ақмола, Қостанай, СҚО облыстарындағы 8 жол жүру учаскесінде жалпы ұзындығы 6725 метр болатын су тасқыны болды.
Ақмола, Ақтөбе, Атырау, Қостанай, СҚО өңірлеріндегі ұзындығы 720 шақырым болатын республикалық маңызы бар 12 автомобиль жолында көліктің барлық түрінің қозғалысына шектеу қойылды.
«ҚазАвтоЖол» ҰК баспасөз хатшысы Сәкен Ділдахмет еліміздегі су тасқыны салдарынан халықаралық және республикалық автожолдарда орын алған жағдайлар жайында баяндама жасады, деп хабарлады turkystan.kz.
Атырау облысында «Мұқыр – Құлсары» тас жолының 0-136 шақырымы жабық учаскесін айналып өту үшін «Ақтөбе-Атырау-РФ шекарасы» тас жолының 377-512 шақыры және «Доссор-Құлсары-Бейнеу-Сайтөтес-Шетпе-Жетібай- Ақтау» тас жолының 3-120 шақырымы арқылы альтернативті маршруттар ұсынылды. Қостанай облысында «Мариновка ауылына кіреберіс» тас жолының 0-9 шақырымы, «Жезқазған-Петропавл» тас жолының 339-377 шақырымы, «Екатеринбург-Алматы» тас жолының 555-729 шақырымы, Осы жабық учаскелерді айналып өту үшін «Денисовка-Жітіқара» тас жолының 137 шақырымы арқылы альтернативті маршрут ұсынылды.
Оларды айналып өту үшін басқа жолдар ұсынылды. Атап айтсақ, Тимирязево, Шал ақын, Ғ.Мүсірепов аудандарының тұрғындарына облыс орталығына дейін жету үшін «Волошинка-Сергеевка-Тмимрязево» республикалық маңызы бар тас жол арқылы жүріп, ары қарай Р-61 «Волошинка-Корнеевка-Рощинское» тас жолына түсіп, ол жақтан КТ-29 «Покровка-Корнеевка-Горное» тас жолымен А-16 «Жезқазған-Петропавл» жолы арқылы қалаға жетуге болады. «Жезқазған-Петропавл» тас жолының 954-952 шақырымы учаскесінде үлкен жүк көліктер үшін полиция қызметкерлерінің сүйемелдеуімен қозғалыс қамтамасыз етілуде. Мамлютка, Жамбыл аудандары үшін Р-57 «Новокаменка-Петерфельд» республикалық маңызы бар тас жолы арқылы қалаға жетуге болады.
Қазіргі таңда республикалық жолдарда 794 бірлік техника мен 1945 адам су тасқынын алдын алу бойынша жұмыс атқаруда.