Kaspi.kz-тің негізін қалаушылар су тасқынынан зардап шеккен тұрғындарға 20 млрд теңге аударады
Бөлінген қаражат Солтүстік Қазақстан мен Ақмола облыстарына тұрғын үйлерді қалпына келтіруге, тұрғын үй сатып алуға және салуға жұмсалады.
Kaspi.kz-тің негізін қалаушылар Вячеслав Ким мен Михаил Ломтадзе су тасқынынан зардап шеккен қазақстандықтарға көмектесу үшін 20 млрд теңге аударады, деп хабарлады turkystan.kz.
Аталмыш банктің негізін қалаушылардың бірі әрі Басқарма төрағасы Михаил Ломтадзе де дәл осындай пікірде.
Наурыз айының соңында Kaspi командасы Kaspi.kz қосымшасында онлайн-сервис ұйымдастырды. Бей-жай қарамайтын әр қазақстандық зардап шеккендерге көмек көрсету үшін Biz Birgemiz Qazaqstan қорына қаражат аудара алады. Kaspi.kz компаниясының өзі жол жөндеуге, құтқару тікұшақтарының жұмысын қамтамасыз етуге, генераторлар, сорғылар, үрлемелі қайықтар мен дәрі-дәрмек сатып алу үшін қорға 620 млн теңге аударды. Сондай-ақ өткен аптада Вячеслав Ким Ақмола облысында 5 қабатты тұрғын үй салу жобасын қаржыландырып, зардап шеккен елді мекендердің инфрақұрылымын қалпына келтіруге қаражат бөлді.