Алматыдағы 4 жасар баланың өлімі: өгей әке сотқа тартылды
Естеріңізге салсақ, бұл оқиға былтыр қыркүйек айында болған.
Алматыда өгей ұлын ұрып өлтірді деп айыпталған әке сот алдында жауап берді. 20 жасқа енді толған күдіктінің өзі кінәсін мойындаған жоқ, деп хабарлады turkystan.kz «КТК» арнасына сілтеме жасап.
Күдіктінің айтуынша, төрт жасар бүлдіршін баспалдақтан өзі құлап, оңбай жараланған.Бірақ айыптаушы тараптың келтірген дәйектері мүлдем басқа.
Естеріңізге салсақ, бұл оқиға былтыр қыркүйек айында болған. Төрт жасар бүлдіршін «Алма сити» тұрғын үй кешенінде көз жұмды. Баланың анасы студент көңілдесімен сол жерде тұрыпты. Оқиға болған күні келіншек 19 жастағы жігітіне ұлын тапсырып жұмысқа кеткен. Сол сәтте жас жігіт мазасызданған Хантөренің қылығын көтере алмай, оны сабаған көрінеді.
Дереу балабақшаға жеткен анасы баласын ауруханаға алып кетіп, тәрбиешілерге астан уланды деп, оқиғаны жылы жаппақшы болыпты.
4 жасар баланың анасы өзінен алты жас кіші жігітпен Энергетика және электронды технологиялар колледжінде танысыпты. Келіншек сол жерде жұмыс істесе, ауыр қылмысқа барды деп айыпталып жатқан Дархан Дәулетов аталмыш оқу орнында оқыған. Бүгінгі сотта ол баланы «қасақана ұрмадым» деп ақталумен болды.
Дегенмен тергеу келтірген дәлел мүлдем басқа. Айыпталушы балаға оннан аса соққы жасаған.