Денсаулық сақтау министрлігі тырысқақ ауруы бойынша ескерту жасады

Африка, Азия, оның ішінде Үндістан, Ауғанстан, Пәкістан елдеріне баратын қазақстандықтарға ескерту жарияланды.

Денсаулық сақтау министрлігі қазақстандық туристерге тырысқақ ауруы бойынша қолайсыз елдерге баратындарға ескерту жасады.

Аталған елдердің қатарында Африка, Азия, оның ішінде Үндістан, Ауғанстан, Пәкістан елдері бар.

Министрлік төмендегідей бірнеше кеңесті ұсынды:

•⁠ ⁠қайнатылған немесе бөтелкедегі суды ішу;

•⁠ ⁠әр түрлі сусындарды салқындату үшін мұзды пайдаланбау;

•⁠ ⁠өнімдерді тұтыну алдында тиісті термиялық өңдеу;

•⁠ ⁠жемістер мен көкөністерді қайнатылған немесе бөтелкедегі сумен мұқият жуу;

• тамақ ішер алдында және дәретханаға барғаннан кейін қолды сабынмен мұқият жуу;

•⁠ ⁠тек рұқсат етілген су айдындарында шомылу және оның суын жұтпау;

•⁠ ⁠аурудың алғашқы белгілері пайда болған кезде өздігінен емделуге болмайды, дереу медициналық көмекке жүгіну керек!