Түркістан облысында ауыр қылмыс жасап, іздеуде жүрген күдіктілер ұсталды
Халықаралық іздеуде жүрген күдікті Корея Республикасынан елге жеткізілді.
Сыбайлас жемқорлыққа қарсы іс-қимыл агенттігі қылмыстық қудалаудан жасырынған адамдарды іздестіруге ерекше назар аударып келеді.
Бас прокуратурамен бірлесіп, ҚР Сыртқы істер министрлігінің және ҚР ІІМ Интерполының қолдауымен халықаралық іздеуде жүрген күдікті Корея Республикасынан елге жеткізілді.
Ол жәрдемдесу, қылмысты арандату және психотроптық заттармен заңсыз қарым-қатынас жасады деген күдікке ілінді (ҚР ҚК 28-бабы 5-бөлігі, 296-бабы 4-бөлігі және 412-бабы 1-бөлігі 3-тармағы 1). Атап айтқанда, 2022 жылы Түркістан облысы полиция қызметкерлерімен сөз байласып, жергілікті тұрғынды анықталмаған адамдардан «Мефедрон» психотроптық затын сатып алуға арандатқан. Осы жылдың 29 наурызында күдікті Алматы қаласының тергеу изоляторына қамалды.
Сонымен қатар Шымкент халықаралық әуежайында халықаралық іздеуде жүрген күдікті ұсталып, тергеу изоляторына қамалды.
Ол Түркістан облысы қоғамдық даму басқармасының бас маманы лауазымын атқара отырып, адамдар тобында өзінің басқарма басшысымен алдын ала сөз байласу арқылы заңсыз баю мақсатында COVID-19-ға байланысты карантин кезінде іс-шаралар өткізуге бөлінген аса ірі мөлшердегі сеніп тапсырылған ақшалай қаражатты ұрлаған.
Айта кетейік, аталған қылмысты іздеуде жүрген күдікті тобында жасаған облыстық басқарма басшысы 8 жылға бас бостандығынан айыруға сотталған болатын.