СҚО әкімі өңір тұрғындарына үндеу жолдады
СҚО-да су тасқынына қатысты жағдай әлі де күрделі.
Петропавлға бүгін-ертең үлкен су келмек. Солтүстік Қазақстан облысының әкімі Ғауез Нұрмұхамбетов су тасқынының алдында тұрғындарға үндеу жолдады.
СҚО-да су тасқынына қатысты жағдай әлі де күрделі. Сергеев су қоймасынан өткен тасқын су Есіл өзенімен төмен, Петропавлға қарай келе жатыр. Жолдағы бірнеше елді мекенге су кіріп, тұрғындарды эвакуациялауға тура келді. Қазіргі уақытта Петропавлда су басатын аудандардан халық көшіріліп жатыр. Осыған орай СҚО әкімі Ғауез Нұрмұхамбетов тұрғындарға үндеу жариялады.
Өңір басшысы үйлері су басу аймағында орналасқан Заречный кентінің тұрғындарын эвакуациялауға түсіністікпен қарауды сұрады.
Облыс әкімі тұрғындардан қауіпсіз жерге көшуді сұрады.