«Дүрбелеңге еш себеп жоқ» – Атырауда үлкен суға тез дайындалу үшін ТЖ режимі жарияланды
Әкімдік болжам негізінде Атырау қаласы мен жақын маңдағы аудандардың қорғаныш бөгеттері мен құрылыстарын, айналма және ағызу арналарын салу жоспарын әзірлейді
ҚР премьер-министрінің орынбасары Қанат Бозымбаев республикалық ақпараттық штабта өткен брифингте еліміздің облыстарындағы ағымдағы су тасқыны жағдайы туралы айтып берді.
Атырау облысында Жылыой ауданында ТЖ режимі сақталуда, Құлсары қаласында 2810 тұрғын үй су астында қалды, ТЖ аймақтарынан 29 мыңнан астам адам, оның ішінде 7 мыңнан астам бала эвакуацияланды.
Сонымен қатар Атырау облысындағы Жайық өзеніндегі су деңгейінің болжамды көтерілуіне байланысты Ақтөбе облысының Елек өзені ағынының, Ресей Федерациясының Ирикли су қоймасынан төгінділердің жоғарылауына байланысты аймақтағы су басу қаупі әлі де сақталуда.
Әкімдік болжам негізінде Атырау қаласы мен жақын маңдағы аудандардың қорғаныш бөгеттері мен құрылыстарын, айналма және ағызу арналарын салу жоспарын әзірлейді. Ертең әкімдік бұл жоспарды ұсынуы керек.