Парадзюдошы Ерғали Шәмей Түркияда өткен жарыста жүлдегер атанды

Аталған байрақты бәсекеге елімізден барлығы 17 спортшы қатысты.

Түркияның Анталья қаласында өткен пара дзюдодан дәстүрлі халықаралық «Grand Prix – 2024» додасында елордалық спортшы Ерғали Шәмей қола жүлдегер атанды. 

Қазақстан пара дзюдо федерациясының мәліметінше, Ерғали Шәмей 73 келіге дейінгі салмақта J1 санатында үздік үштікке іліккен. Ол – халықаралық турнирде ел намысын қорғаған, пара дзюдодан Қазақстан құрамасының көшбасшыларының бірі.

Айта кетсек, аталған байрақты бәсекеге елімізден барлығы 17 спортшы қатысты.