Маңғыстауда 2 жасар бүлдіршінді ұрған балабақша тәрбиешісіне сот үкімі шықты
Сот тәрбиешіге 172 500 теңге айыппұл жазасын тағайындады.
Маңғыстауда екі жастағы баланы ұрған балабақша тәрбиешісіне айыппұл салынды, деп хабарлады turkystan.kz.
Маңғыстау облысының кәмелетке толмағандардың істері жөніндегі мамандандырылған ауданаралық соты кәмелетке толмаған адамды тәрбиелеу жөнiндегi мiндеттердi орындамағаны үшін балабақша тәрбиешісіне айыппұл салды.
Mangystaumedia.kz сайтының мәліметінше, сотталушы М., яғни балабақша тәрбиешісі екі жасқа толмаған А-ны ұрып-соғып, дене жарақатын келтірген.
Сот сотталушыны қылмыстық теріс қылық жасағаны үшін кінәлі деп танып, М-ға кәмелетке толмағандарды тәрбиелеу қызметімен айналысу құқығынан бір жылға айыра отырып, 50 айлық есептік көрсеткіш мөлшерінде, яғни 172 500 теңге айыппұл жазасын тағайындады.