ҚазАвтоЖол: Доссор-Құлсары автомобиль жолын су шайып кетті
Қазір еріген қар суын ағызу және жол жиегі бойындағы білікті күшейту жұмыстары жүргізіліп жатыр.
Атырау облысындағы Доссор-Құлсары автомобиль жолын су шайып кетті, деп хабарлады «ҚазАвтоЖол» АҚ баспасөз қызметі.
Қазір еріген қар суын ағызу және жол жиегі бойындағы білікті күшейту жұмыстары жүргізіліп жатыр. Автожол мен жердің бұзылуына қауіп төніп тұрған жоқ. 10 адам мен 4 бірлік техника жұмылдырылды.
«Доссор-Құлсары-Бейнеу-Сайөтес-Шетпе-Жетібай-Ақтау» автожолының 4-119 шақырымында (Доссор а.-Құлсары қ. учаскесі) көлік құралының барлық түрі үшін қозғалыс шектелді.