Жеңіс күніне арналған әскери шеру өте ме? – Министрлік жауап берді
Соңғы рет Қазақстан армиясының қуаты 2018 жылы таныстырылды.
Қорғаныс министрлігі елімізде Отан қорғаушылар күні мен Жеңіс күніне арналған әскери шеру өтпейтінін мәлімдеді.
Қазақстанда екі жылда бір рет әскери шеру өткізіледі. Соңғы рет Қазақстан армиясының қуаты 2018 жылы таныстырылды.
2020 жылы шеру коронавирус пандемиясына байланысты өтпеді.
2022 жылы әскери шеру өткізілмеді, бірақ ведомство Республика Қарулы Күштерінің құрылуының 30 жылдығына орай әскери қызметтің имиджі мен беделін арттыруға бағытталған әскери-патриоттық бағыттағы іс-шаралар өткізді.