Астаналықтар су тасқынынан зардап шеккен аймақтарға 30 тоннаға жуық гуманитарлық көмек жіберді
Күн сайын үлкен жүк көліктерімен 4-5 тоннадан астам заттарды жөнелтеміз.
«Астана Жастары» КММ еріктілері қайырымдылық ұйымдарымен бірлесіп, су тасқынынан зардап шеккен облыстардың тұрғындарына гуманитарлық көмек жинау акциясын бастады, деп хабарлайды turkystan.kz елорда әкімдігінің ресми сайты.
Қала бойынша 9 гуманитарлық көмек қабылдау пункті ұйымдастырылды, жиынға 30-ға жуық еріктілер ұйымы қатысады. Күн сайын 200-ден астам еріктілер қажет заттарды сұрыптауға және жөнелтуге көмек көрсетеді. Сарыарқа, 13 көшесіндегі еріктілер пунктінде қаланың бей-жай қарамайтын тұрғындары жиналып, дәрі-дәрмек, азық-түлік, киім-кешек, тұрмыстық керек-жарақтарды алып келуде.
Астана қалалық еріктілер штабы төрағасының орынбасары Эльвира Есмұханованың айтуынша, 29 наурыз бен 1 сәуір аралығында су тасқынынан зардап шеккен өңірлерге 30 тоннаға жуық гуманитарлық көмек жіберілген.
Жиын туралы ақпарат БАҚ-та пайда болған бойда астаналықтар гуманитарлық көмек ала бастады. Жиналған сәлемдемелердің ішінде киім, азық-түлік, гигиена құралдары мен аяқ киім басты орын алады. Мысалы, қала тұрғындарының бірі тез бұзылмайтын өнімдер әкелді: печенье, тәттілер, жаялықтар.
«Біз бір-бірімізге көмек көрсетіп, адамгершілік пен құрмет көрсетуіміз керек. Мен шынымен мұқтаж, қиын жағдайға тап болған адамдарға көмектескім келеді», – деді ол.
Айта кету керек, заттарды сұрыптау арнайы алгоритм бойынша жүреді:
1 санат – химия және гигиена;
2 санат – жаңа заттар;
3 санат – ерлер мен әйелдер киімдері;
4 санат – өнімдер.
Еріктілер қораптар бойынша сұрыптау арқылы заттар мен қажетті өнімдерді қабылдайды.
Заттарды жіберу кезекпен жүзеге асырылады.
Еріктілер қаржылық көмекті қабылдамайтынын ескеріңіз. Ниет білдірушілер жинау орындарына қажетті өнімдерді жинап, әкеле алады.