Елімізде жыл басынан бері 200-ден астам жылқыны пойыз қағып кеткен
Еліміздің темір жолдарында 369 үй жануарларын басып кету фактісі тіркелді.
Қазақстанда жыл басынан бері 200-ден астам жылқы пойыз астына түскен, деп хабарлады turkystan.kz.
Жыл басынан бері көліктегі полиция департаментінде пойыздардың шұғыл тежелуінің 464 фактісі тіркелді. Еліміздің темір жолдарында 369 үй жануарларын басып кету фактісі тіркелді. Оның ішінде 222 бас жылқы, 44 бас ірі қара, 76 ұсақ мал бар.
Мәселен, Павлодар облысы Жұмыскер – Көктөбе станцияларының аралығында жүк пойызының машинисі темір жолда жылқылардың болуына байланысты пойызды шұғыл тежеген.
Көлік полицейлері шаруа қожалықтарының иелеріне қауіпсіздік шараларын сақтауды және теміржол маңында мал жаюға болмайтындығын ескертеді.