Желіде тараған видеодан кейін мектеп директоры жазаланды
Видео балалардың қауіпсіздігі мен жайлылығына алаңдаушылық білдірген ата-аналардың да, халықтың да наразылығын тудырды
Әлеуметтік желіде Жамбыл облысы Мойынқұм ауданындағы орта мектептердің бірінде жөндеу жұмыстары көрсетілген видео тарап жатыр. Видеода балалардың жөндеу жұмыстары жүргізіліп жатқан және сабаққа жағдай жасалмаған білім ошағында жүргенін көруге болады, деп хабарлады turkystan.kz Massaget.kz-ке сілтеме жасап.
Видео балалардың қауіпсіздігі мен жайлылығына алаңдаушылық білдірген ата-аналардың да, халықтың да наразылығын тудырды.
Жағдайды анықтау үшін Tengrinews.kz Жамбыл облысының білім басқармасына жүгінген.
Күрделі жөндеу жұмыстары толық аяқталмаған оқу орнына оқушыларды кіргізген мектеп директорына тәртіптік шара қолданылған.
№2 орта мектепте күрделі жөндеу жұмыстарын жүргізуге байланысты 1-4 сынып оқушылары іргелес мектеп ғимаратында, 5-11 сынып оқушылары ауыл әкімшілігі ғимаратында білім алып жатыр.