Алматыда жеке үйден өрт шықты
Қабылданған шаралардың арқасында өрттің таралуына жол берілмеді
Алматыда жазғы уақытша үй-жай мен монша өртенді, деп жазады turkystan.kz Қалалық Төтенше жағдайлар департаментіне сілтеме жасап.
Мәлімет бойынша, 22 наурыз кешкі сағат 20:29 минутта «101» пультіне Алатау ауданы «Шапағат» шағын ауданында жеке үйдің жанғаны туралы хабарлама түсті.
Алматы қаласы ТЖД күштері мен құралдары жеке құрамның 41 адамы және техниканың 11 бірлігі 1 «бис» шақырудың жоғары дәрежесі бойынша жіберілді.
Қабылданған шаралардың арқасында өрттің таралуына жол берілмеді. Зардап шеккендер жоқ. Өрттің себебі анықталып жатыр.