Тоқаев Алматыдағы алаңда қазақстандықтарды Наурыз мейрамымен құттықтады
Жәрмеңкеде қолдан жасалған бұйымдардан басқа, азық-түлікті тікелей ауыл шаруашылығы тауарын өндірушілерден сатып алуға болады.
Биыл оған қатысу үшін Астанаға республика өңірлерінен және алыс-жақын шетелдердің 8 елінен 50-ден астам қолөнершілер келеді, деп хабарлады turkystan.kz қалалық әкімдіктің ресми сайтына сілтеме жасап.
Сонымен қатар «Наурыз базары» жәрмеңкесіне қатысушылар этностильдегі киімдердің, зергерлік бұйымдардың, керамика, металл, киіз және жібектен жасалған заттардың, кәдесыйлардың жаңа топтамаларының таңдаулы нұсқаларын ұсынады.
Еске салсақ, «Наурыз базары» бағдарламасында шығыс тағамдары фестивалі жоспарланған. Қонақтар елорданың үздік мекемелерінен Наурыз көже, ыстық палау, бауырсақ және басқа да ұлттық мерекелік тағамдардан дәм тата алады.
Сонымен қатар, мерекелік концерттер, ұлттық спорт түрлері бойынша бұқаралық жарыстар, сурет салу, қыш өнері, қазақтың ұлттық аспаптарында ойнау, мүсіндеу ұсынылатын шығармашылыққа арналған Оpen space аймақтар өткізу көзделген. Жас қонақтар үшін арқан тарту, асық ату, тоғызқұмалақ және тағы басқа ұлттық ойындар ұйымдастырылады.
Жәрмеңке 21 наурызда сағат 13.00-ден 18.00-ге дейін, 22 және 23 наурызда 09.00-ден 18.00-ге дейін жұмыс істейді.