Алматыда тубдиспансерден науқас қашып кетті
Ауруханада пациенттерге бақылау жүргізіледі.
Алматыда тубдиспансердің дуалын аттап, сыртқа қашып бара жатқан науқастың суреті желіге шықты, деп хабарлады turkystan.kz inform.kz-ге сілтеме жасап.
Желіге шыққан ақпаратқа сәйкес, Алматы туберкулез диспансерінің науқастары сыртқа еркін шығып, көшеде қыдырып жүреді.
Алматы қаласының фтизиопульмонология орталығының әкімшілігі аталған оқиғаға қатысты стационар комиссиясы науқасты тексеріп, онымен әңгіме жүргізгенін, сондай-ақ, аурухана режимін сақтамағаны жөнінде хаттама толтырылғанын хабарлады.
Сондай-ақ аурухананың мәліметінше, бактериялық бөлінуі жоқ пациент қажеттілігі бойынша рұқсат қағазы арқылы сыртқа шығуына мүмкіндігі бар екенін хабарлады.