10 жастағы Іңкәр – ұршық иірудің шебері
Анасы Іңкәр қолөнерге деген қызығушылығын ерте жастан байқаса керек.
Бір кездері әжелеріміздің қолынан түспеген ұршық бүгінде ұлттық мерекелерде еске түсетін атрибутқа, көрмелерге қойылатын жәдігерге айналып бара жатқандай. Дегенмен ел ішінде ұршық иіру өнерін насихаттап жүргендер жоқ емес. Сондай жанның бірі – 10 жастағы Іңкәр Қозыбай.
Ұршық иіру өнерінің ұмыт қалмауына үлес қосып жүрген жасөспірім қыз – Маңғыстау облысы, Жармыш ауылының тұрғыны. Жастайынан ұршықты жақсы иіретін ол мұны анасынан үйренгенін айтады.
Анасы Іңкәр қолөнерге деген қызығушылығын ерте жастан байқаса керек.
Анасы ә дегенде Іңкәрдің ұршық ұстауға икемі келмегенмен, бірте-бірте төселіп кеткенін айтты.
Іңкәр болашақта бастауыш сынып мұғалімі болуды армандайды екен. Десе де, ол қолы бос кезде ұлттық қолөнер бұйымдарын әзірлеп, ісмер атанғысы келетінін де жасырмайды. Сол үшін ол қазір түрлі үйірмеге қатысып, текемет басуға қызығушылық танытып жүр.