«Қоштасу хатын қалдырған»: Павлодарда 29 жастағы жігіт жоғалып кетті
Қала тұрғыны рюкзак пен ноутбукты алып, белгісіз бағытқа қарай шығып, содан қайтып оралмаған.
Павлодарда 29 жастағы ер адам із-түзсіз жоғалып кетті. Жігіттің Есімі – Азамат.
«VITA» еріктілер жасағының мәлімдеуінше, 13 наурыз күні 1995 жылы туған қала тұрғыны рюкзак пен ноутбукты алып, белгісіз бағытқа қарай шығып, содан қайтып оралмаған.
Күн сайын полиция қызметкерлері, туғандары мен еріктілер қандай да бір ақпарат табуға тырысып жатыр.
Сипаттамасы: Бойы 170 сантиметр, дене бітімі орташа, көздері қоңыр, шашы қара түсті, көзілдірік киеді, жүргенде бүкшиіп жүреді.
Киімі: қою жасыл күрте, сұр түстес трико, ақшыл етік. Өзімен бірге сұр рюкзак пен ноутбук бар.
Азаматты көрген-білгендер болса мына нөмірлерге хабарласуларыңызды сұраймыз: WhatsApp +7(747)-615-55-63 Катерина.