Қарағандыда шенеуніктер миллиардқа жуық ақшаны негізсіз жұмсамақ болған

Прокуратураның араласуынан кейін аудан әкімдігінің конкурсы жойылды.

Қарағандыдағы Әлихан Бөкейхан ауданының прокурорлары ауданды мерекелік безендіруге арналған жалпы сомасы 985 миллион 156 мың 250 теңгені құрайтын үш жылдық байқаудың күшін жойды, деп хабарлады turkystan.kz stan.kz сайтына сілтеме жасап.

Жоюға бюджет қаражатын жұмсау ережелерінің бұзылуы себеп болды. 

"Келісім шарт бір жылдан астам мерзімге жасалуы тиіс. Тапсырыс берушінің шартты орындау мерзімін ұлғайтуы қаржылық тұрақтылық көрсеткіші бойынша әлеуетті өнім берушілердің қатысуын шектеді", - делінген хабарламада. 

Прокуратураның араласуынан кейін аудан әкімдігінің конкурсы жойылып, 1-ші қаржы жылына арналған конкурсты жариялауға сәйкестендірілді.