Бас прокуратура Бишімбаевтың ісіне қатысты ескерту жасады

Бас прокуратура Қуандық Бишімбаевтың қылмыстық ісі бойынша мәлімдеме жасады.

Ведомствоның мәліметінше, медиа-кеңістікте Бишімбаевқа қатысты қылмыстық іс бойынша сотқа дейінгі тергеп-тексеру нәтижелеріне күмән келтіретін материалдар жарияланып жатыр.

Бас прокуратура көрінеу жалған мәліметтерді таратқаны үшін Қазақстан Қылмыстық кодексінің 274-бабы бойынша қылмыстық жауаптылық көзделгенін ескертті.

Осыған байланысты Бас прокуратура барлық азаматтар мен БАҚ-тарды заңдылықты сақтауға үндеді.