Ұшқыш Бибіхан

Авиация – үлкен жауапкершілікті қажет ететін қиын саланың бірі. Бұрын ер-азаматтардың оқуы саналатын авиациялық мамандықтарға бүгінде қыздар арасында сұраныс жоғары. Азаматтық авиация академиясының арулары авиамеханик, авиадиспетчер, логист, авиациялық қауіпсіздік, тікұшақ пен ұшақ басқарушы мамандар ретінде үлкен жетістіктерге жетіп отыр. 

Бибіхан Тұрысбекова Төтенше жағдайлар ми­нистрлігіне қарасты «Қазавиақұтқару» әуе компаниясында екінші ұшқыш штурманның қыз­метін атқарады. Бала кезінен ұшқыш болуды ар­мандаған ару 2016-2021 жылдар аралығында Аза­мат­тық  авиация академиясында білім алады. Оқуын ойда­ғы­дай аяқтаған жас маман мемлекеттік бағдарлама бойынша «Қазавиақұтқару» әуе ком­па­ния­сына екінші ұшқыш болып жұмысқа орналасады. Әуе қатынасы саласында жемісті еңбек етіп келе жатқанына биыл 3 жыл толады. 25 жастағы ұшқыш қыз бүгінде МИ-8 ауыр тікұ­ша­ғын басқарады. 

Төтенше жағдай саласындағы мамандар неше түрлі қиындықтармен бетпе-бет келетін­діктен психологиялық тұрақтылық өте маңызды. 

Құтқару жұмыстарына жұмылдырылатын тікұшақтар еліміздің 15 өңірінде орналасқан және олар азаматтардың қауіпсіздігін қамтамасыз ету үшін күнделікті кезекшілікте тұрады. «Қа­завиақұтқару» техникалары мен арнайы жасақтары бүгінге дейін Алматы, Батыс және Шы­ғыс Қазақстан, Түркістан облыстарындағы ірі су тасқыны кезінде зардап шеккен жан­дар­ды су басқан жерлерден эвакуациялап, бірнеше мың адамның өмірін құтқарып қалған.

Адам жанын арашалауға атсалысып жүрген Бибіхан мамандықты ерлерге немесе әйелдерге арналған деп бөлуге болмайды деп санайды.

Ержүрек қызға арманы аласармасын дейміз.