Өкілеттікті асыра пайдаланған әкім сотталды
Бұл туралы Ақмола облыстық сотының баспасөз қызметімәлім етті.
Ақмола облысында өкілеттікті асыра пайдаланған әкім мен алаяқтық жасағаны мердігерге сот үкімі шықты.
Ақмола облысы соты баспасөз қызметінің мәліметінше, 2021 жылы Атбасар аудандық әкімдігінде Полтавка селосында ауылішілік көшені жөндеу үшін селолық округ әкімі мен мердігер ЖШС мемлекеттік сатып алу туралы шарт жасасқан.
Аталмыш ЖШС құрылтайшысының серіктесті директоры болмағандықтан, құжаттарға қол қоюға еш рұқсаты жоқ. Бірақ, соған қарамастан ол орындалған жұмыстардың жалған актілерін жасап, қол қойған. Әкімде құжаттардың (акті мен жұмыс құны туралы анықтама) жалған екенін біле тұра жұмыстарды қабылдап, қол қойған. Осы арқылы бюджеттің 40 млн теңге ақшасы ЖШС шотына аударылған.
Соның салдарынан мемлекетке аса ірі мөлшерде материалдық залал келтірілді. Келтірілген залалдың сомасын сотталушылар үкім шығарылғанға дейін өтеген.
Сот ауылдық округ әкімі тарапынан лауазымдық өкілеттіктерді теріс пайдалану дерегі бойынша алдағы уақытта осындай құқық бұзушылықтарға жол бермеу жөнінде шаралар қабылдау үшін аудан әкімінің атына жеке қаулы шығарды.
Сот үкімі ауданның ауылдық округ әкімдеріне, ТКШ және құрылыс бөлімінің басшыларына ескерту ретінде көрсету сот процессі форматында жарияланды.