Ақтауда өзіне қол жұмсамақ болып, артынша қашып кеткен 20 жастағы қыз аман-есен табылды. Бұл туралы turkystan.kz Stan.kz ақпарат агенттігіне сілтеме жасап хабарлады.
Облыстың полиция департаменті қыздың не себепті өзін тастамақ болғанын хабарламады.
«Табылды, аман-есен және жағдайы жақсы. Туыстарына тапсырылды», – деді полиция.
Еске сала кетейік, бұған дейін полиция 20 жастағы бойжеткеннің тұрғын үй кешенінің терезесінен секіру әрекетінің алдын алған еді. Осы жағдайдан кейін ол үйден белгісіз бағытқа шығып кеткен.