Шымкентте жолақы қымбаттай ма? – әкімдік жауап берді
Әкімдіктің баспасөз қызметі жолақының қымбаттамайтынын жеткізді.
Қала әкімі Ғабит Сыздықбеков қалалық мәслихаттың наурыз айындағы сессиясының күн тәртібінен жолақыны көтеру мәселесін қарастыруды алып тастады.
Әлеуметтік желіде Шымкент қаласындағы қоғамдық көліктерде жолақының қымбаттайтыны туралы ақпарат тараған болатын. Онда электронды төлем 100 теңгені құраса, қолма-қол есептесу 200 теңге болатыны айтылды. Тіпті, бұл туралы ақпарат талқылау мақсатында «Ашық НҚА» порталынада жарияланған.
Бүгін ресми ақпарат таратқан Шымкент қаласы әкімдігінің баспасөз қызметі жолақының қымбаттамайтынын жеткізді.
Сондай-ақ әкімдік тасымалдаушылардың жауапкершілігін күшейтуді, автопарктерді жаңартуды жалғастыруды жоспарлап отырғанын мәлімдеді.