Президент стипендиясын тағайындау ережесіне өзгеріс енгізіледі

ҚР Президенті стипендиясын тағайындау ережелеріне Ғылым және жоғары білім министрінің 2024 жылғы 20 ақпандағы №69 бұйрығымен өзгерістер енгізілді.

Аталған «ҚР Президенті белгілеген стипендияларды тағайындау ережесін бекіту туралы» Қазақстан Республикасы Білім және ғылым министрінің 2011 жылғы 7 сәуірдегі № 136 бұйрығына өзгерістер енгізілсін:

Президент стипендиясы меншік нысаны мен ведомстволық бағыныстылығына қарамастан жоғары және жоғары оқу орнынан кейінгі білім беру ұйымдарының студенттері мен магистранттарына тағайындалады.

Стипендия:

1) студенттер мен магистранттардың ғылыми-зерттеу және оқу-танымдық қызметін ынталандыруға;

2) анағұрлым талантты және дарынды студенттер мен магистранттарды қолдауға;

3) интеллектуалды әлеуетін қалыптастыруға ықпал етуге бағытталған.

Стипендия келесі санаттағы студенттер мен магистранттарға тағайындалады:

1) республикалық және халықаралық олимпиадалардың, шығармашылық конкурстардың, спорттық жарыстардың, фестивальдардың жеңімпаздары немесе жаңалықтар, өнертапқыш авторларға;

2) ғылыми еңбек жинақтарында, республикалық және халықаралық ғылыми журналдарда жарияланымдары барларға;

3) табыстары дипломдармен, грамоталармен, сертификаттармен, куәліктермен расталған ғылыми-зерттеу жұмыстарымен белсенді айналысатындарға;

4) ЖОО-ның қоғамдық, мәдени және спорттық өміріне белсене араласатындарға.

Ғылым және жоғары білім министрі бұйрығының толық нұсқасымен мына сілтеме арқылы танысуға болады.