EGov.kz порталы қазақстандықтар үшін уақытша қолжетімсіз болады

29 ақпан сағат 22:00-ден 1 наурыз 02:00-ге дейін электронды үкімет сайтында техникалық жұмыстар жүргізіледі.

Қазақстанның бірыңғай уақыт белдеуіне көшуіне байланысты eGov.kz электронды үкімет сайты уақытша қолжетімсіз болады. 

29 ақпан сағат 22:00-ден 1 наурыз 02:00-ге дейін электронды үкімет сайтында және басқа да жобаларда техникалық жұмыстар жүргізіледі.

Төмендегілер біраз уақыт қолжетімсіз болуы мүмкін:

eGov.kz порталы және оның құрамдас бөліктері; egov mobile мобильді қосымшасы;  "Е-нотариат" бірыңғай нотариаттық ақпараттық жүйесі;  "Техникалық бақылау" бірыңғай ақпараттық жүйесі;  "e-Otinish" электрондық өтініштер қызметі; "Ұлттық ақпараттық технологиялар" АҚ сүйемелдеуімен басқа да ақпараттық жүйелер мен мемлекеттік деректер базалары.