Өскеменде дәрігерлер әйелге ота жасап, ішінде жіпті ұмытып кеткен
Отадан кейінгі тігістің орны іріңдеп, іш қуысында сұйықтық жиналып қалған.
Өскемен қаласының тұрғыны ота кезінде дәрігерлер ішінде жіпті ұмытып кеткеніне шағымданды, деп хабарлады turkystan.kz Tengrinews.kz сайтына сілтеме жасап.
Әйелдің айтуынша, отадан соң үш аптадан кейін ғана оның ауруының себебі дәрігерлер ұмытып кеткен іштегі жіп екені анықталған.
Галина Климова ауруханаға қаңтардың аяғында түскен. Дәрігерлер ішекке ота жасапты. Бір аптадан кейін әйелдің жағдайы нашарлаған, отадан кейінгі тігістің орны іріңдеп, жазылмай қойған, іш қуысында сұйықтық жиналып қалған.
Ол үш апта бойы ауырсынып жүрген, тіпті дене қызуы да көтеріліпті. Әйелдің сөзінше, жергілікті Ішкі аудит қызмет дәрігерлері жауапкершілікті өз мойнына алғысы келмеген. Әсіресе, амбулаторияда штаттағы хирург болмаған. Бұл жайтқа әйел емделіп жатқан аурухана өкілдері пікір білдірді.
Өскемен қаласының тұрғыны жергілікті БАҚ-қа жүгінуге тура келгенін айтады. Галинаның сөзінше, осыдан кейін ғана оған тағы да ота жасалған.