Депутат мемлекетке қайтарылған қаражаттың бір бөлігін тұрғын үй мәселесін реттеуге жұмсауды ұсынды
Кезекте тұрғандарды тұрғын үймен қамтамасыз етуді жақсарту бағытында Парламент Мәжілісі тиісті заңдарға өзгерістер енгізіп, жергілікті атқарушы органдарға дайын тұрғын үйлерді сатып алу құзыреті берілгенін айтқан депутат осы норманы жүзеге асыру үшін қосымша қаражат бөлу керегіне тоқталды.
«AMANAT» партиясы Фракциясының мүшесі, депутат Нұртай Сабильянов Премьер-Министр Олжас Бектеновке сауал жолдап, Абай облысындағы тұрғын үй мәселесін шешу жолдарын ұсынды.
Депутаттың айтуынша, Абай облысында халықпен кездесулер өткізгенде кезекте тұрған азаматтарды тұрғын үймен қамтамасыз ету мәселелері жиі көтеріледі. Бұл мәселе барлық өңірде де өзекті болып тұр.
Жалпы, кезекте тұрғандарды тұрғын үймен қамтамасыз етуді жақсарту бағытында Парламент Мәжілісі тиісті заңдарға өзгерістер енгізіп, жергілікті атқарушы органдарға дайын тұрғын үйлерді сатып алу құзыреті берілгенін айтқан депутат осы норманы жүзеге асыру үшін қосымша қаражат бөлу керегіне тоқталды.