Астанадағы дәмханалардың бірінде келушілерге есірткі сатқан күдікті ұсталды
Ер адам уақытша ұстау изоляторына қамалды.
Астана полициясы дәмханалардың бірінде келушілерге есірткі сатқан күдіктіні анықтады, деп хабарлады turkystan.kz.
Polisia.kz сайтының мәліметінше, жедел-іздестіру іс-шаралары барысында Астана қаласы полиция департаментінің экстремизмге қарсы іс-қимыл басқармасының қызметкерлері қала аумағында орналасқан кафелердің бірінде 49 жастағы ер адамды анықтап, ұстады.
Сот-медициналық сараптамаға сәйкес алынған зат салмағы 10,15 грамм гашиш болып шықты. Осы факті бойынша қылмыстық іс қозғалды. Ер адам уақытша ұстау изоляторына қамалды.