Алматыда коронавирус жұқтырғандар саны 200-ден асқан

Алматы қаласында коронавирус инфекциясы бойынша эпидемиологиялық жағдай тұрақты.

Алматы қалалық Санитариялық-эпидемиологиялық бақылау департаментінің мәліметінше, жыл басынан 18 ақпанға дейін қала тұрғындары арасында КВИ-дің зертханалық расталған 233 жағдайы анықталды. Оның ішінде 14 жасқа дейінгі балалар арасында - 30 жағдай, жасөспірімдер арасында - 6 жағдай, ересектер арасында - 197 жағдай тіркелді.

Тіркелген 233 жағдайдың ішінен: өздігінен қаралғандар – 202 жағдай (86,7%); профилактикалық мақсатта – 18 (7,7%); эпид көрсеткіштер бойынша – 13 жағдай (5,6 %).

Сондай-ақ жыл басынан бері КВИ жұқтырған адамдардың жас құрамы бойынша:

- 1 жасқа дейінгі балалар - 21 жағдай тіркелген, үлес салмағы – 9,0%;

- 14 жасқа дейін-30 жағдай, үлес салмағы – 12,9%;

- 15-19 жас аралығындағы жасөспірімдер мен жасөспірімдер арасында - 10 жағдай тіркелді, үлес салмағы – 4,3%;

- 20-39 жастағы азаматтар – 83 жағдай, 35,6%;

- 40-59 жастағы азаматтар – 37 жағдай, 15,9%;

- 60 жас және одан жоғары – 73 жағдай, 31,3%.

Жыл басынан бері 18 ақпанға дейін КВИ мен ауырғандардың ішінде кәсібі бойынша жұқтарғандар: 27,9% - жұмыссыздар, 15,0% - әртүрлі ЖШС - де жұмыс істейтіндер, 11,6% – мектеп жасына дейінгі балалар, 27,5% - зейнеткерлер, 3,9% - студенттер.

Қалалық Санитариялық-эпидемиологиялық бақылау департаменті коронавирус инфекциясының алдын алу шараларын еске салды.

«Коронавирус инфекциясынан қорғанудың жалғыз жолы вакцинация екенін есте ұстаған жөн. КВИ-ді жұқтырудың алдын алу үшін қорғаныс маскаларын қолдану, адамдар көп жиналатын жерге барудан және температурасы жоғары науқастармен байланыста болудан бас тарту ұсынылады. Аурудың алдын алу үшін үй-жайларды үнемі желдетіп отыру, дымқыл тазалау, сондай-ақ жеке гигиена ережелерін сақтау керек ( қолды жиі жуу, антисептиктерді қолдану және т.б.). Егер респираторлық аурулардың белгілері пайда болса, маска киіп, дереу медициналық көмекке жүгіну керек», - деп ескертті ведомстводан.